Kam fëmijë të mitur, jam rehabilituar”, Zani Çaushi kërkon të dalë nga burgu, kreu i bandës së Vlorës


Një tjetër i dënuar me burg përjetë kërkon lirimin me kusht. Bëhet fjalë për Zani Çaushin, i njohur si kreu i bandës famëkeqe në Vlorë në vitin 1997.
Zani Çaushi thotë se mund të punësohet nëse lirohet dhe se tashmë është rehabilituar.
“Jam rehabilituar, kam fëmijë të mitur. Nëse dal nga burgu do punoj”, mësohet të ketë thënë ai.
I dënuar për disa vrasje, i forti i Vlorës po vuan dënimin në burgun e Drenovës prej disa vitesh.
Zani Çaushi, do të ketë shansin që më 17 korrik të paraqesë provat para gjykatës për lirinë me kusht.