Justifikimi i Majkos: Nuk fola për Teatrin sepse bëra një operacion në gojë


Ministri për Diasporën dhe deputeti socialist, Pandeli Majko mbajti kohë më parë një qëndrim të ndryshëm nga mazhoranca për shembjen e Teatrit Kombëtar. Mbahet mend largimi i tij nga salla e Kuvendit për të mos votuar projektin “Fusha” që e çoi gati në dorëheqje nga qeveria.

Por atëherë kur duhet të fliste sepse Teatri po shembej, ai nuk reagoi. Në një intervistë për ABC News, Majko u jusitifikua se kishte bërë një operacion në gojë dhe për këtë arsye nuk ka folur.

“Si i kam marrëdhëniet me Veliajn? Keni marrë vesh ndonjë gjë? I kam pak më të mira se me Edi Ramën. E vërteta ime (për Teatrin) është e deklaruar dhe është më e vjetër se qëndrimi im në këtë maxhorancë.

Kur erdha më pyete se si e kalova koronavirusin. Të thashë se duke mos vajtur tek dentisit qe një fat i madh që unë bëra dy ndërhyrje kirurgjikale në gojë dhe atëherë që doja të flisja nuk fola dot. Tani është e kotë të flas” – tha Majko. ©LAPSI.al